محل کی سی سجاوٹ والا ایک اپارٹمینٹ

Hamna—Homify Hamna—Homify
homify Modern Living Room
Loading admin actions …

آپ کے گھر کی آرائش ایک اہم ذمہ داری ہوتی ہے، اس کے لیے آپ کو اپنی تخلیقی صلاحیتوں کو استعمال کرنا ہوتا ہے۔ یعنی اس طرح نہیں کہ آپ کو جو چیز اچھی لگے بس وہ خرید لیں، بلکہ کسی بھی چیز کو خریدنے سے پہلے یہ سوچ لیں کہ آپ کو اس کی کتنی ضرورت ہے اور یہ آپ کے گھر میں کیسی لگے گی۔

اس مشکل سے بچنے کا ایک آسان حل یہ ہے کہ آپ کوئی ایک انداز چن لیں جیسے کہ کلاسیک، یا پھر جدید انداز وغیرہ اور پھر اس کے مطابق ہی ساری چیزوں کی خریداری کریں۔ بہت زیادہ چیزوں سے گھر کو بھرنے سے بچیں کیونکہ سادگی کا اپنا الگ ہی حسن ہوتا ہے۔ 

اسی سلسلے میں ہم آپ کے لیے لاۓ ہیں ایک ایسا اپارٹمینٹ جو کہ اپنے بہترین انداز لور درست فرنیچر کے استعمال کی وجہ سے آپ کا دل موہ لے گا۔

ایک مکمل دیوان خانہ

دیوان خانہ گھر کا وہ حصہ ہوتا ہے جدھر بیٹھ کر سارے گھر والے آرام کرتے ہیں اور مل کر ٹی وی وغیرہ دیکھنا پسند کرتے ہیں۔ اس لیے ادھر کا فرنیچر پسند کرتے وقت آپ کو بہت احتیاط کی ضرورت ہوتی ہے۔ اور اگر آپ کا گھر چھوٹا ہے تب تو یہ جگہ اور زیادہ توجہ مانگتا ہے۔ 

اس گھر میں دیکھیں کہ ہمارے ماہرین نے کتنی خوبصورتی سے جگہ کو استعمال کرتے ہوۓ اسے ایک مکمل دیوان خانے کا انداز دیا ہے۔ اس جگہ ہر وہ چیز موجود ہے جو ایک دیوان خانے میں ہونی چاہئے۔ L کی شکل میں رکھے صوفے، سامنے لگا ٹی وی اور کونے میں رکھی میز اور کرسیاں جدھر بیٹھ کر آرام سے کھانا کھایا جا سکتا ہے۔

روشنیوں کا استعمال

اس کمرے پر غور کریں تو آپ کو پتا چلے گا کہ ادھر زیادہ تر قدرتی روشنی پر انحصار کیا گیا ہے۔

اس کے علاوہ ایک ریوایتی بڑے مرکزی فانوس کے استعمال کے بجاۓ جدید انداز کے چھوٹے بلب دیوار پر لگاۓ گئے ہیں۔

پتھر اور لکڑی کا حسین ملاپ

اس رخ سے کمرے کو دیکھیں تو آپ کے ذہن میں ایک دم کسی پینٹنگ کا خیال آۓ گا۔ 

ادھر آپ کی توجہ سب سے پہلے لکڑی کا خوبصورت فرنیچر اور پتھر کی دیوار اپنی طرف کھینچے گا۔

چھوٹے باورچی خانے میں قدرتی روشنی

اس چھوٹے سے باورچی خانے میں تھوڑی سی ہی جگہ کو اس طرح استعمال کیا گیا ہے کہ ادھر ادھر آنے جانے میں مشکل نا ہو۔

اس کے علاوہ ڈھیر ساری قدرتی روشنی کی وجہ سے یہ باورچی خانہ اپنے اصل سائیز سے بڑا لگ رہا ہے۔

قدرتی اشیاء کا خوبصورت استعمال

آپ اپنے باورچی خانے کو بہت بڑے سائز کے بغیر بھی بہت وضع دار اور دلکش بنا سکتے ہیں۔ ان سرمئی رنگ کے بٹے کیبنٹ اور دوسری طرف موجود کام کے لیے جگہ ایک چھوٹے باورچی خانے کے لیے بہت کافی ہے۔ اور دیکھیں ادھر کتنی ذہانت سے میز اور کرسی رکھی گئی ہے۔

جدید اشیاء کا رلکش استعمال

ریوایتی اوون یا پھر اوپر اٹھی ہوئی گرل والے چولہوں کے بجاۓ اس جدید انداز کے چپٹے چولہے کی وجہ سے بھی اس جگہ کی کشادگی کے احساس میں اضافہ ہو رہا ہے۔  اس کے علاوہ تمام ضروری چیزیں ایک ہی لائن میں لگانے کی وجہ سے بھی بہت فرق پڑتا ہے۔

مدھم رنگوں والی پرسکون خوابگاہ

مدھم رنگوں سے سجی ہوئی اس خوابگاہ کو دیکھتے ہی ساتھ ایک سکون بھرا انداز اندر تک اتر رہا ہے۔۔۔ ہے نا؟

فرنیچر کا درست انتخاب

جب بات ہو چھوٹے کمرے کی تو اس طرح کی لاکر والی الماریاں بہترین ہوتی ہیں کیونکہ یہ دکھنے میں بھی خوبصورت ہوتی ہیں اور جگہ بھی کم لیتی ہیں۔

شیشوں کے فوائد

غور کریں کہ یہ کمرہ اپنے روشن انداز کی وجہ سے بھی کشادہ لگ رہا ہے۔ ادھر قدرتی روشنی بھی موجود ہے اور مصنوعی بھی۔ اور یہ تمام روشنیاں شیشوں میں منعکس ہونے کی وجہ سے کمرے کو اور زیہدہ روشن کر رہی ہیں۔

غسل خانہ

غسل خانے میں بھی تھوڑی سی جگہ کا بہترین استعمال کیا گیا ہے۔ باتھ ٹب کے بجاۓ جگہ بچانے کے لیے شاور لگایا گیا ہے۔ اور اس کے علاوہ مدھم رنگ اور روشنی ادھر بھی اپنا جادو جگا رہی ہے۔

ایک با کفایت لکڑی کا گھرآپ کے علاقے میں جو آپکا دِل جیت لے گا!

Need help with your home project?
Get in touch!

Highlights from our magazine